بالعامية المصرية| أقدم حمام فى مصر والحضارة الإسلامية (صور)

تعتبر الحمامات من أهم نماذج العماره المدنية في الحضاره الإسلامية، ومثلما كان لها أهمية في عملية النظافة والطهارة، لعبت دورًا مهمًا في نواحي كثيرة نرصدها فى السطور القادمة..

-الناحيه الاقتصادية

الحمامات كانت من الأوقاف اللي من دخلها بيتم الصرف علي المنشآت الخيرية.

– الناحيه السياسية

كانت من الأماكن اللي بيتم فيها وضع الخطط الحربية وكمان كانت مكان لتنفيذ الاغتيالات السياسيه وأشهر واقعة اغتيال من النوع ده كانت حادثة اغتيال الخليفه العباسي المعتز بالله بن المعتصم  سنة ٢٥٥ هجري.

-الناحيه الاجتماعية

كانت بتخرج منها زفة العروس (حاجة كده زي الكوافير دلوقتي ).

كمان كانت الخاطبة بتقوم بدورها في التعرف علي الفتيات.

كمان كانت بتقام فيها حفلات ختان الأطفال.

– الناحية الصحية

كان بيتم علاج بعض الأمراض الجلدية في الحمام باستخدام البخار الصاعد من الماء الساخن، بالإضافة إلى أن دخول الحمام للمتوعك صحيًا كان يعتبر إعلان لشفائه.

بالإضافه لكل اللي قلناه الحمام كان بيعتبر مكان للتخلص من بعض أنواع القمامه وروث الحيوانات والتبن  اللي كان بيتم إشعال النار فيها لتسخين مواسير الفخار الموجوده في قاعات تسخين المياه لإمداد الحمام بالمياه الساخنة.

المكان  اتعرف في الوثائق باسم (المستوقد)، واشتهرت باسم (الدماس) وهو مصطلح يوناني أطلق على غرف تسخين المياه في الحمامات اليونانية و الرومانية.

المصريين كانوا بيستخدموا المستوقد أو الدماس في طهي الفول ومن هنا أطلق عليه (الفول المدمس).

[box type=”warning” align=”aligncenter” class=”” width=””]والحمام كان مؤسسة منظمة فيها وظائف محدده زي:[/box]

– الحمامي: مدير الحمام.

– المكيساتي:  المدلك.

– المزين: الحلاق.

– الوقاد: مشرف تسخين الماء.

– السقا: يقوم بإدارة الساقية.

– الكناس والسباك: المسئولين عن نظافة وصيانة الحمام.

[box type=”info” align=”” class=”” width=””]أنواع الحمامات:[/box]

كان في ٣ أنواع للحمامات..

– حمام مفرد: للرجال فقط أو للنساء فقط أو للاثنين مع اختلاف المواعيد.

– حمام مزدوج: ينقسم الي جزئين وله بابين، باب يؤدي إلى حمام الرجال وباب يؤدي الي حمام النساء.

-حمام الأبكار: و هو مخصص للشباب من الجنسين قبل الزواج علشان ميحصلش اختلاط بين الكبار والصغار، وكان له مواعيد مخصصه بالصبيان وأخري مخصصه للبنات.

الحمامات كانت بتتكون من:

– المسلخ : مكان تغيير الملابس.

– الغرفة الدافئه.

– الغرفة الساخنة.

– قاعات تسخين المياه.

يعتبر حمام السكريه اللي موجود أمام جامع المؤيد شيخ هو أقدم حمام في مصر ويرجع للعصر الفاطمي وأعيد بنائه في العصر العثماني.

أما في العصر المملوكي فأقدم الحمامات الباقيه هو المدخل المتبقي من حمام بشتاك.

أما في العصر العثماني، آدم فرانسوا جومار، رسام الخرائط الشهير قال إن القاهره كان بها وقت الحملة الفرنسية،  ١٧٩٨ م : ١٨٠١ م أكثر من مائة حمام، لكن المسجل في الآثار و يرجع إلى العصر العثماني هم ٨ حمامات.