لكل بلد مذاق خاص لا يعرفه إلا أهله، ومن يختارون أن يشاركوا معه هذا المذاق فقط، واليوم تشاركنا السائحة المصرية “نيفين صلاح” تجربتها في مالاوي، أحد البلاد الرائعة التى ستحب زيارتها بقدر حبك لوصفها، تعالوا معنا في جولة.
كتبت على حسابها الشخصي بأحد مواقع التواصل الاجتماعي ” الناس اللي بتحب افريقيا يجمعوا هنا 😍
من تجربتي وتصويري أتمني يعجبكم تقريري😂
دولة مالاوي ❤ جنوب شرق إفريقيا
حاجه كدا جميلة في وقت نزول الأمطار جنه خضراء 💦
ووقت ما في مطر فهي صحراء جرداء 😥
بلد تتحدث لغه الشيشيوا وعملتهم هي الكواتشا” 💸
وتابعت “ناسها طيبين قوي ياخال 😘 بجد يتمنوا يخدموك وبيحبو العرب عن الأجانب
اللي ماسكين اقتصاد البلد هناك الهنود 👳🏻♂
بلد حلوه للمشاريع عندك أيدي عاملة بالهبل وأقل مرتبات
بأقل رأس مال تعمل مشروع وتعيش بڤيلا وعربية 👸
فيها بارك جميل وجبال تحفة، الشجر بكل شبر والفاكهة للجميع وبالذات المانجو مرمية على الأرض 🌳وقرود بكل مكان”🐒
ولم تنسى في تقريرها الشخصي الحديث عن الراحة النفسية التي تلقاها في هذا البلد، فقالت : نفسيتك هنا هتكون حلوة جدا طول ما أنت مش معاك “حمير” ينكدو عليك ✋
أنا عشت فيها سنة بمدينة زومبا آه زومبا أنت قريت صح😂
بلانتاير وليلنجواي حلوين هي كلها جميلة😍
الخروف هناك من سنتين كان ب٣٠٠ جنيه مصري ادبح ياعم وشوي براحتك🐏
مواصلاتها ملاكي وبأقل تمن تلف براحتك 🚗
الأجهزه الكهربائية غالية بس أنت عندك ٣شغالات في البيت يطبخو ويغسلو وينضفوا بحوالي ٦٠٠ جنيه مصري بهدل براحتك” 😂♀
وأوضحت في منشورها أن السفر إلى مالاوي يحتاج إلى تأشيرة
طيران ١٣ ساعة ترانزيت في أديس أبابا ✈
تذكرة الطيران سمعت إنها زادت بقت ١٧ ألف آخر مرة سألت عليها😭 كنت هسافر لأن معايا إقامة بس اتصدمت😒
مفيش حروب أهليه ولا عصابات اطمنو 🔫💣🚬🌼😍💜♂
##بالنسبه للأمراض أنت بتاخد تطعيم طبعا حقن قبل السفر وده مهم جدا جدا وأنت طبعا لازم تحافظ على نفسك وتاخد معاك أوف ✋
